"Барселона" футболчиси Дани Ольмо жамоа бош мураббийи Ханс-Дитер Фликнинг жамоада худбинликка йўл қўйиб бўлмаслиги ҳақидаги сўнгги баёнотига муносабат билдирди.
Ла Лиганинг учинчи турида "Райо Вальекано"га қарши ўйиндан сўнг (1:1) германиялик мураббий "кўк-анорранглилар" муваффақиятга эришиши учун худбинликни йўқ қилиш ва ўтган мавсумдагидек бир бутун бўлиш кераклигини айтди.
"Флик бизга айтмаган гапини ҳеч қачон оммага айтмайди. Клубда ҳеч қандай муаммо йўқ, жамоа ичида ажойиб муҳит," - дея Ольмонинг сўзларини келтиради Managing Barca.













