Испаниянинг "Мальорка" клуби ўз футболчиси Даниэл Родригесдан сардорлик боғичини олиб қўйди, шунингдек, 10 кунлик муддатга машғулотлар ва ўйинларда иштирок этиш имкониятидан маҳрум қилди. Бу ҳақда AS интернет нашри хабар бермоқда.
Родригеснинг жазоланишига унинг "Реал"га қарши ўйиндан кейин ижтимоий тармоқларда ёзган постлари сабаб бўлди, унда у "ишга ҳурмат" йўқлигини айтиб, норозилик билдирди ва фарзандлари отасини майдонда кўрмаганидан шикоят қилди.
Орадан бироз вақт ўтиб, Родригес жамоа бош мураббийи ва клубнинг янги аъзоларидан бири ҳақида яна бир пост жойлади. Натижада "Мальорка" спорт директори жамоа мураббийини ҳимоя қилди ва 2 кундан сўнг 2019 йилдан бери жамоада ўйнаётган футболчи жазоланди.
