"Манчестер Юнайтед" ўтган ёзда "Брайтон"дан Карлос Балебани ўз сафига қўшиб ололмаганди, аммо январь ойидаёқ бу позицияни бошқа футболчи билан кучайтириши мумкин.
"Қизил иблислар" "Челси"дан Ромео Лавияни сотиб олиш имкониятини кўриб чиқмоқда, дея хабар бермоқда журналист Мигел Дилейни. 21 ёшли бельгиялик футболчи яқин келажакда "чайкалар" сотиш нияти бўлмаган Балебага муқобил ҳисобланади.
Лавия бўйича музокаралар январда, қишки трансферлар ойнаси очилганда бўлиб ўтиши мумкин. Transfermarkt портали талқинига кўра, "Челси" хавбекининг нархи 40 млн еврони ташкил этади, футболчининг "кўклар" билан амалдаги шартномаси 2030 йилгача мўлжалланган.
