300 дан ортиқ мухлислар гуруҳи УEФА ва ФИФАга мурожаат қилган.

Football Supporters Europe нашри “Бавария”, “Арсенал”, “Барселона”, “Атлетико”, “Арсенал”, “Челси”, “Манчестер Юнайтед”, “Ливерпуль” ва бошқа жамоаларнинг фан-клублари вакиллари томонидан имзоланган баёнотда лига ўйинларини бошқа мамлакатларда ўтказмасликка чақирди.

"Ла Лига ва А Сериянинг Европа футболи табиатини бузишга қаратилган сўнгги ҳаракатлари, ўйинларни АҚШ ва Австралияга кўчиришга интилаётгани футболнинг моҳиятига тўғридан-тўғри ҳужумдир. Агар ушбу лигаларнинг таклифларидан бирортаси маъқулланса, у бир зумда олдиндан айтиб бўлмайдиган ва қайтариб бўлмайдиган оқибатларга олиб келади", — дейилади баёнотда.