"Интер"нинг туркиялик ярим ҳимоячиси Ҳоқон Чалхонўғли Италияни тарк этиб, ватанига қайтмоқчи. Бу ҳақда Fotomac хабар бермоқда.
Манбага кўра, 31 ёшли хавбек "Галатасарой"га клубга ўтиш учун ўз талабларини пасайтиришга тайёрлиги ҳақида аниқ сигнал юборган. Шундан сўнг турк гранди "Интер" президенти Маротта билан учрашув ўтказди.
Аввалига "нерадзуррилар" Чалхонўғлини қишгача қўйиб юборишни истамаган эди, аммо вазият ўзгариши мумкин, чунки "Галатасарой" трансферни 12 сентябргача ёпмоқчи.
"Сариқ-қизиллар"нинг таклифи расман 15-20 миллион еврони ташкил қилди.
Чалханўғли "Интер" сафида 2021 йилдан буён тўп суриб келмоқда. Бу мавсумда у Италия чемпионатида битта ўйинда майдонга тушди.
