"Ювентус" Душан Влахович билан шартномани узайтиришни истисно қилмаяпти.
Туринликлар юқори маош туфайли 25 ёшли форвардни ёзда сотиб юборишга уринган эди.
Жамоада қолган серб А Сериянинг иккала турида ҳам захирадан майдонга тушиб гол урди.
"Юве"да ҳеч ким ҳеч қачон футболчининг салоҳиятига шубҳа қилмаган, аммо клуб келаси ёзда кетса, уни текинга йўқотишни истамайди, деб ёзади La Gazzetta dello Sport.
Ҳозирча шартномани узайтириш тўғрисида қарор қабул қилинмаган, аммо бундай имконият истисно қилинмайди.
Қайд этилишича, футболчининг ўзи ҳеч қачон клубни тарк этиш истагини билдирмаган. Шунинг учун у янги шартнома бўйича маошининг пасайишига рози бўлиши ва унинг келишувини оғирлаштирадиган 4 миллион евро содиқлик бонусидан воз кечиши мумкин эди.
Ҳозирча Влахович жамоадаги ўрни учун кураш олиб бориши кутилмоқда. Акс ҳолда у январь ойида бошқа клуб билан дастлабки келишувни имзолаши мумкин.
