Сўнгги маълумотларга кўра, Марокаш терма жамоаси ярим ҳимоячиси Ҳаким Зиешга "Болонья" ва "Фиорентина" клублари жиддий қизиқиш билдирмоқда. Клублар футболчи билан мавсум охиригача қисқа муддатли шартнома имзолаш имкониятини кўриб чиқмоқда.
Зиеш ёз бошида Қатарнинг "Ал-Дуҳаил" клуби билан шартномасини бекор қилганидан кейин эркин агентга айланди. 32 ёшли футболчи 2026 йилги жаҳон чемпионатига қадар формада бўлиш учун фаолиятини Европа чемпионатида давом эттиришни мақсад қилган. У Италияни бу йўлда ажойиб вариант деб ҳисобламоқда.













