Германиялик 37 ёшли мураббий Матиас Яйссле Саудия Арабистонининг Жидда шаҳридаги "Ал-Аҳли" клуби билан шартномасини узайтирди. Бу ҳақда клуб матбуот хизмати хабар бермоқда. Янги шартнома 2027 йилнинг ёзига қадар мўлжалланган бўлиб, мавсумга автоматик равишда узайтириш имкониятига эга.
Эслатиб ўтамиз, "Ал-Аҳли" мавсум аввалида Саудия Арабистони Суперкубоги ғолибига айланган эди. Жамоа турнирининг финал учрашувида "Ан-Наср" устидан ғалаба қозонди.
Германиялик ёш мураббий икки йил муқаддам, 35 ёшида "Ал-Аҳли" бош мураббийига айланган эди. Ўтган мавсумда клуб 67 очко жамғариб, турнир жадвалида бешинчи ўринни эгаллаган эди.
