CAFA Nations Cup турнири ўзининг ҳал қилувчи палласига кириб бормоқда. Бугун B гуруҳида сўнгги 3-тур ўйинлари бўлиб ўтди.
Афғонистон дастлаб Ҳиндистон билан 0:0 ҳисобида дуранг ўйнади.
Куннинг иккинчи ўйинида Тожикистон Эрон билан жанговар дуранг қайд этди - 2:2. Ўйинда тожиклар 0:2 ҳисобидан чиқиб кета олишди.
Эрон 7 очко билан "B" гуруҳи ғолиби бўлди ва финал йўлланмасини қўлга киритди. Ҳиндистон ва Тожикистон 4 очко тўплади. Ўзаро ўйинга кўра Ҳиндистон 2-ўринни эгаллади ва бронза медали учун курашиш имкониятига эга бўлди.
Финал (Тошкентда) ва 3-ўрин (Ҳисорда) учун ўйин 8 сентябрь куни бўлиб ўтади.
