Германия терма жамоаси бош мураббийи Юлиан Нагельсманн Словакиядан учралган мағлубиятдан (0:2) кейин футболчиларни танқид қилди.
"Икки-учта жароҳат олган футболчиларни ҳисобга олмаганда, бу ҳозирча бизнинг энг яхши таркибимиз. Балки кейинги сафар савияси пастроқ, аммо майдонда борини беришга тайёр футболчиларни терма жамоага чақиришимизга тўғри келар. Футболчиларга ишонаман, аммо рақибдан кучли бўлишнинг ўзи етарли эмас. Нима деб ўйлайсиз, нега "Веен Висбаден" яқинда "Бавария" билан деярли дуранг ўйнади? Гап бу жамоанинг "Бавария"дан қолишмаслигида эмас, балки истак ва кайфиятда," - дея Нагельсманнинг сўзларини келтиради Bayern & Germany.
