Италия терма жамоаси бош мураббийи Женнаро Гаттузо Эстонияга қарши ўйиндаги дебютига изоҳ берди. Бу ҳақда Football Italia нашри хабар бермоқда.
"Рақамлар муҳим эмас, биз нима қилишни хоҳлаётганимизни биламиз ва яхши тайёргарлик кўрганмиз. Биз эртанги ўйин ҳақида, кейин эса Исроилга қарши навбатдаги ўйин ҳақида ўйлашимиз керак.
Биз Эстонияни икки ой давомида ўргандик. Агар сиз уларга яхши прессинг қилмасангиз, улар жуда самарали ҳужум қилишлари мумкин. Улар орқадан тўрт киши бўлиб ҳимояланади, лекин беш киши бўлиб тезкор қарши ҳужум билан хавф туғдириши мумкин. Ҳамма бу осон бўлиши керак деб ўйлайди, лекин осон ўйинлар бўлмайди", - деди Гаттузо.
