Маурисио Почеттино Лионель Мессининг "ПСЖ"даги қийинчиликлари ҳақида гапирди.
"Лео билан боғлиқ ҳолатда Францияда жуда душманона вазият юзага келди.
У мавсумолди тайёргарликсиз, кучли руҳий зарбадан сўнг келди ва бу осон бўлмади. Ҳеч бўлмаганда, буни кўриш менга оғир эди, чунки муҳит унга ёқмасди.
Шундай бўлса-да, у менинг жамоамда бўлганидан хурсанд эдим," - деди "ПСЖ" собиқ бош мураббийи El Cafelito подкастида.
Эслатиб ўтамиз, Месси 2021 йилда "Барселона"дан "ПСЖ"га ўтган, 2023 йилда эса "Интер Майами"га йўл олганди. Париж клуби сафида Аргентина терма жамоаси ҳужумчиси икки карра Франция чемпиони бўлди ва мамлакат Суперкубогини қўлга киритди.
