"Интер Майами" шарафини ҳимоя қилаётган юлдуз ҳужумчи Лионель Месси профессионал фаолиятини якунлаш ҳақида фикр билдирди.
"Мен буларнинг барчаси тугашини истамайман, лекин бу лаҳза яқинлашиб келаётганини тушунаман. Қачон содир бўлса, ўшанда содир бўлади, унгача эса мен қадам-бақадам олдинга бораман, кунма-кун яшайман," - дея аргентиналикнинг сўзларини келтиради терма жамоа матбуот хизмати.
Аввалроқ, жаҳон чемпионати саралашидан ўрин олган Венесуэлага қарши кечган ўйин Месси учун Аргентина терма жамоасидаги сўнггиси бўлиши мумкинлиги ҳақида хабарлар тарқалган эди.
