Аввалроқ, марказий ҳимоячи Эмерик Лапорт Саудия Арабистонининг "Ан-Наср" клубидан Испаниянинг "Атлетик Бильбао" клубига ўтиши мумкинлиги ҳақида хабарлар тарқалган эди, аммо футболчининг ҳужжатлари кечиккани туфайли трансфер амалга ошмади.
Басклар жамоаси бош мураббийи Эрнесто Вальверде вазиятга қуйидагича изоҳ берди:
«Булар содир бўладиган нарсалар. Биз уни жамоада кўришни истардик, аммо бундай бўлиши мумкин эмасди. Афсусланиш ўрнига, олдинга қарашимиз керак.
Мен бу келишувни амалга ошириш мумкинмиди ёки йўқ билмайман, мен майдонда содир бўлаётган воқеаларга эътибор қаратаман. Клуб охиригача ҳаракат қилади, лекин нима бўлишини билмайман», - деди испаниялик мутахассис.
