"Галатасарой" бош мураббийи Окан Бурук клубнинг Миланнинг "Интер" клуби ярим ҳимоячиси Хакан Чалханўғлига қизиқиши ҳақида гапирди.
31 ёшли футболчи июнь ойидаёқ турк клубига ўтиши мумкин эди, аммо трансфер амалга ошмади.
"Биз Хаканни ўз жамоамизда кўришни хоҳлагандик. У "Галатасарой"нинг ашаддий мухлиси, шунинг учун бизга қўшилиш учун ўзини қурбон қилишга тайёр эди. Яқинда яна бир бор уриниб кўрдик, аммо "Интер" уни қўйиб юборишни истамади," - дея Бурукнинг сўзларини келтиради Now Sport.













