"Милан" ҳужумкор ярим ҳимоячиси Ясин Адли фаолиятини Саудия Арабистонида давом эттиришга тайёр. Футболчи "Аш-Шабаб" билан шахсий шартнома шартларини келишиб олди.
25 ёшли франциялик футболчи ўтган мавсумни "Фиорентина" таркибида ўтказди. Бу вақт ичида у барча турнирларда 35 та ўйинда майдонга тушиб, 5 та гол урди ва 7 та голли узатмани амалга оширди.
У Яқин Шарқ жамоаси билан 2028 йил 30 июнгача уч йиллик шартнома бўйича оғзаки келишувга эга. Қайд этилишича, муваффақиятли трансфер натижасида унинг ҳозирги иш ҳақи камида уч баравар ошиши мумкин.
