"Milan" hujumkor yarim himoyachisi Yasin Adli faoliyatini Saudiya Arabistonida davom ettirishga tayyor. Futbolchi "Ash-SHabab" bilan shaxsiy shartnoma shartlarini kelishib oldi.

25 yoshli fransiyalik futbolchi o‘tgan mavsumni "Fiorentina" tarkibida o‘tkazdi. Bu vaqt ichida u barcha turnirlarda 35 ta o‘yinda maydonga tushib, 5 ta gol urdi va 7 ta golli uzatmani amalga oshirdi.

U Yaqin Sharq jamoasi bilan 2028 yil 30 iyungacha uch yillik shartnoma bo‘yicha og‘zaki kelishuvga ega. Qayd etilishicha, muvaffaqiyatli transfer natijasida uning hozirgi ish haqi kamida uch baravar oshishi mumkin.