Қозонда бўлиб ўтаётган бутунжаҳон универсиада мусобақаларида вакилларимиз муваффақиятли иштирокларини давом эттиришмоқда. Бу сафар 81 килограммгача вазнда иштирок этаётган Элшод Расулов муваффақият қозонди.
Элшод Расулов чорак финалда озарбойжонлик Рауф Раҳимовга қарши рингга чиқиб уччала раундда ҳам устунлик қилди ва ғалаба қозонди. Энди Элшод ярим финалда россиялик Дмитрий Биволга қарши жанг олиб боради. Бивол бироў муқаддам латвиялик Никита Версокисдан устун келганди.
Яна бир спортчимиз Санжар Раҳмонов эса Ўзбекистон терма жамоасидаги дастлабки йўқотишга сабаб бўлган мағлубиятни тан олди. 64 кг. вазнда Санжар чорак финалда россиялик Ражаб Бўтаевга имкониятни бой бериб қўйди.
Эслатиб ўтамиз, ҳозирга қадар олти нафар чорак финалда иштирок этган боксчиларимиз ичида беш нафари ярим финал йўлланмасини қўлга киритишган. Бугун яна икки нафар спортчимиз ярим финал учун майдонг чиқишади.