"Олтин тўп"ни топшириш маросимига атиги икки ҳафта қолди. Футбол юлдузларидан бири нуфузли мукофотни қўлга киритадиган Париждаги тантанали тадбир 22 сентябрь куни бўлиб ўтади.
"Олтин тўп" маросимида бошловчилардан бири футбол афсонаси Рууд Гуллит бўлиши маълум қилинди. У британиялик спорт телебошловчиси Кейт Скотт билан ҳамкорликда ишлайди.
Рууд Гуллит - нидерландиялик машҳур собиқ футболчи. У 1987 йилда "Олтин тўп"ни қўлга киритган.
"Олтин тўп" ФИФА рейтингининг топ-100 талигига кирган мамлакатлар журналистлари ўртасида ўтказилган сўровнома натижаларига кўра топширилади. 2025 йилда Усмане Дембеле, Ламин Ямал, Ашраф Ҳакимий ва Рафинья фаворит ҳисобланади.













