Италия терма жамоаси ЖЧ-2026 саралаши доирасида Исроилга қарши сафар ўйинида 3 очко жамғарди. "Скуадра адзурра" 4 та гол ўтказиб юборди, аммо битта кўпроқ гол уришга муваффақ бўлди - 5:4 ғалаба.
Бир оқшомда шунча гол ўтказиб юбориш Италия терма жамоаси учун камдан-кам учрайдиган ҳолат. Охирги марта итальянлар 1183 кун олдин - 2022 йил 14 июнь куни бир ўйинда камида 4 та гол ўтказиб юборганди. Ўшанда "скуадра адзурра" Миллатлар лигаси доирасида Германия меҳмони бўлиб, 2:5 ҳисобида имкониятни бой берганди.
Италия терма жамоаси мундиал йўлланмаси учун курашни октябрь ойида давом эттиради. Унда Женнаро Гаттузо жамоасини Эстония (сафарда) ва Исроилга (уйда) қарши ўйинлар кутиб турибди.
