Испания терма жамоаси бош мураббийи Луис де ла Фуэнтенинг фикрича, журналистлар жамоа ярим ҳимоячиси Микель Меринога етарлича баҳо бермаяпти.
- Албатта, Педри ўз позициясида дунёда энг зўри бўлса керак, лекин нега мендан Микель Мерино ҳақида сўрамаётганингизга тушунмаяпман. Бу ҳақда бошқа ҳеч нарса демайман, чунки мен бутун жамоа ҳақида гапиришим керак," - деди мураббий матбуот анжуманида.
Сентябрь ойида Испания терма жамоаси 2026 йилги жаҳон чемпионати саралаш босқичи доирасида иккита ўйин ўтказди. Биринчи учрашувда де ла Фуэнте шогирдлари Болгарияни 3:0 ҳисобида мағлуб этган бўлса, иккинчи баҳсда Туркияни тор-мор этди (6:0). Мерино икки ўйинда тўртта гол урди.
