Ўтган ҳафта Даниэль Леви 25 йиллик фаолиятидан сўнг "Тоттенхэм" раиси лавозимини тарк этди. Бу борада "шпорлар"нинг собиқ ҳужумчиси Ҳарри Кейн фикр билдирди.
"Албатта, бу мен учун кутилмаган ҳолат бўлди. Мен буни кутмаган ва олдиндан сезмагандим. Даниэль 20 йилдан ортиқ вақт давомида "Тоттенхэм"нинг ажойиб раиси бўлди. Клубнинг ўша пайтдаги ва ҳозирги ҳолатини солиштирсак, майдон ичида ҳам, ташқарисида ҳам катта ўзгаришлар юз берганини кўрамиз. Аммо клубларда, айниқса раҳбарлик лавозимларида доимо ўзгаришлар бўлиб туради.
Тўғриси, мен нима учун ва қандай воқеа содир бўлганини тўлиқ тушунмайман. Даниэлга келажакда фақат энг яхши тилакларни билдира оламан. Фаолиятимиз давомида биз яхши муносабатлар ўрнатган эдик", - дея Кейннинг сўзларини Goal портали келтиради.
Кейн 2023 йилнинг ёзидан бери "Бавария" жамоаси шарафини ҳимоя қилмоқда.
