Англиянинг "Ливерпуль" клуби матбуот хизмати жамоанинг 2025/2026 йилги мавсум учун учинчи либосини тақдим этди. Мерсисайдликларнинг техник ҳомийси шу йилнинг ёзидан бери Германиянинг машҳур adidas компанияси ҳисобланади.
"Форма 1987 йилдан 1992 йилгача ишлатилган "Ливерпул"нинг классик эмблемасини қайтариш орқали тарихий мерос муҳитини яратади, ўтмиш хотираларини замонавий услуб билан бирлаштиради", - дейилади клуб расмий сайтидаги баёнотда.
Қайд этилишича, "қизиллар" эркаклар жамоаси 14 сентябрь, якшанба куни Англия Премьер-лигаси 4-тури доирасида "Бёрнли"га қарши сафар ўйинида янги учинчи либосда дебют қилади.
