Ярим ҳимоячи Жуд Беллингем машғулотларга қайтди. Инглизни "Реал" матбуот хизмати томонидан эълон қилинган машғулотлардан фото ва видеоларда кўриш мумкин. Суратлардан бирида Беллингемнинг спорт залида машқ қилаётганини кўриш мумкин. Шунингдек, "қаймоқранглилар" футболчиларнинг майдонга тушиб, машғулот ўтказаётгани акс этган видеони намойиш этди. Жуд ҳам у ерда бор, бу "қаймоқранглилар" мухлисларини хурсанд қилмасдан иложи йўқ.
Хабарингиз бор, клублар ўртасидаги жаҳон чемпионатидан сўнг Жуд Беллингем елкасидан операция қилинди ва "Реал"нинг мавсумга тайёргарлигини ўтказиб юборди.
"Реал" 13 сентябрь, шанба куни Ла Лига доирасида "Реал Сосьедад" меҳмони бўлади. Беллингем бу ўйиндаёқ майдонга тушишга тайёр бўладими, йўқми, айтиш қийин.
