"Ювентус" вингери Кенан Йилдиз "Барселона"нинг нишонида. Шу билан бирга, Каталония клуби президенти Жоан Лапорта Туркия терма жамоасининг 20 ёшли футболчисини қўлга киритиш осон бўлмаслигидан хабардор.
"Ювентус" Йилдизни жуда қадрлайди. Музокаралар бошланиши мумкин бўлган минимал нарх 80 миллион еврога тенг. Бу ҳақда Fichajes портали саҳифаларида хабар берилган.
Шу билан бирга, Кенан Йилдизга Англия Премьер-лигаси клублари ҳам қизиқиш билдираётгани таъкидланган. Кенан Йилдиз "Ювентус" сафида жами 86 та ўйин ўтказиб, 16 та гол урган ва 13 та голли узатмани амалга оширган.
