Бразилия терма жамоаси ЖЧ-2026 Жанубий Америка саралашининг сўнгги турида Боливияга ютқазиб қўйди - 0:1.
"Пентакампеонлар" 28 очко билан фақатгина бешинчи ўринни эгаллади - бу биринчи бўлган Аргентинадан 10 очко кам. Opta’нинг қайд этишича, бразилияликлар ўз тарихидаги энг ёмон саралаш кампаниясини ўтказган ва умумий очколарнинг атиги 52 фоизини қўлга киритган. "Селесао"нинг аввалги энг ёмон натижаси ЖЧ-2002 саралашида қайд этилган (56%) - ўша мундиалда Бразилия ғалаба қозонганди.
Эслатиб ўтамиз, июнь ойидан буён Бразилия терма жамоасини Карло Анчелотти бошқариб келмоқда.
