Англия терма жамоаси бош мураббийи Томас Тухель Сербияга қарши ўйинда (5:0) ўз жамоаси ўйинига баҳо берди.
Унда инглизлар Харри Кейн, Нони Мадуэке, Эзри Конса, Марк Гехи ва Маркус Рэшфорднинг голлари эвазига устун келди.
"Футболчилар ва ходимлар учун жуда хурсандман, ажойиб ҳафтани ўтказдик. Бугун биз нима устида ишлаган бўлсак, ҳаммасини амалда тасдиқладик ва бу мени жуда қувонтиради. Биз Сербия терма жамоасига бирорта ҳам аниқ зарба беришига йўл қўймадик - бунга шунчаки эришиб бўлмайди, бунинг ортида катта меҳнат ётибди. Футболчиларга ҳурмат кўрсатиш керак," - деди Тухел ITV билан суҳбатда.
