Angliya terma jamoasi bosh murabbiyi Tomas Tuxel Serbiyaga qarshi o‘yinda (5:0) o‘z jamoasi o‘yiniga baho berdi.
Unda inglizlar Xarri Keyn, Noni Madueke, Ezri Konsa, Mark Gexi va Markus Reshfordning gollari evaziga ustun keldi.
"Futbolchilar va xodimlar uchun juda xursandman, ajoyib haftani o‘tkazdik. Bugun biz nima ustida ishlagan bo‘lsak, hammasini amalda tasdiqladik va bu meni juda quvontiradi. Biz Serbiya terma jamoasiga birorta ham aniq zarba berishiga yo‘l qo‘ymadik - bunga shunchaki erishib bo‘lmaydi, buning ortida katta mehnat yotibdi. Futbolchilarga hurmat ko‘rsatish kerak," - dedi Tuxel ITV bilan suhbatda.













