Норвегия терма жамоаси юлдузи Эрлинг Холанд ЖЧ-2026 саралаш босқичи доирасида Молдова терма жамоаси устидан қозонилган йирик ғалабадан сўнг ўз фикрларини билдирди. Унда скандинавлар 11:1 ҳисобида ғалаба қозонди.
"Ҳақиқий жиннилик. Нафақат гол ураётганимдан, балки узатмаларим билан шерикларимга ёрдам бераётганимдан жуда хурсандман. Биз шу йўналишда давом этишимиз керак. Мақсадимиз нима эканини тушуниб турибмиз. Бунинг учун жамоа 100 фоиз борини беради," - дея 25 ёшли ҳужумчининг сўзларини келтиради NKR.
Ўтган учрашувда ҳужумчи бешта гол ва иккита голли узатмани ўз ҳисобига ёздириб қўйди.
