Мадриднинг "Реал" клуби ва Франция терма жамоаси форварди Килиан Мбаппе футбол мавзусига оид фикрлари билан ўртоқлашди.
"Мухлислар шунчаки келиб, саҳна ортидаги воқеалардан бехабар ҳолда томошадан завқланишлари учун омадли эканликларини таъкидлашни яхши кўраман. Очиғини айтганда, агар менда бу иштиёқ бўлмаганида, футболдан аллақачон нафратланиб кетган бўлардим. Ўз фарзандимга футбол оламига киришни ҳеч қачон маслаҳат бермасдим", - дея Мбаппенинг сўзларини L’Equipe нашри келтиради.
26 ёшли футболчи жорий клуб мавсумида 3 та ўйинда 3 та гол урди. 9 сентябрь куни Мбаппе Франция терма жамоасининг энг яхши тўпурарлари рўйхатида 52 та гол билан иккинчи ўринга чиқиб олди. Оливье Жирунинг ҳисобида 57 та гол бор.
