Францияга қарши баҳс пайтида жароҳат олган Исландия терма жамоаси футболчиси Йон Дагур Торштейнссон рақиби Аурелиен Тчуаменининг қизил карточкаси бўйича ўз фикрлари билан ўртоқлашди.
Жаҳон чемпионати саралаш баҳсининг 67-дақиқасида Тчуамени Торштейнссонга қўполлик билан зарба берди.
Аввалига футболчига огоҳлантириш берилди. Такрорий лавҳадан сўнг ҳакам ўз қарорини ўзгартиришга мажбур бўлди.
Франция бир киши кам бўлиб қолди, аммо 2:1 ҳисобидаги устунликни сақлаб қолди.
"Бу қизил карточка эканлигини зарбани ҳис қилган заҳотим билардим. Ҳушимдан кетиб қолишимга бир баҳя қолди", - дея футболчининг сўзларини келтиради Исландиянинг DV нашри.
