Бир неча йил олдин "Бавария" вингер Ламин Ямални ўз сафига қўшиб олишга уринган эди. Бу ҳақда Bild нашрига таяниб Goal портали хабар бермоқда.
Манбага ишонадиган бўлсак, 2022 йилда "Бавария" вакиллари ҳатто Ямалнинг собиқ агенти Иван де ла Пенья билан Мадридда махфий учрашувлар ўтказган. Мюнхенликларнинг режаси қуйидагича эди: футболчининг оиласини Германияга олиб келиш, Ламиннинг 16 ёшга тўлишини кутиш ва тахминан 5 миллион евро миқдоридаги товон пули билан таъминлаш.
Европанинг қолган қисми Ямалнинг истеъдодини англаб етмагунча, "Бавария" устунликка эга деб ҳисобланган. Бироқ, келишув охирги босқичда, юлдузли агент Жорже Мендеш ишга аралашганида барбод бўлди. У Ямалнинг янги агентига айланди ва "Бавария"ни футболчини сотиб олиш умидидан маҳрум қилди. Кейинчалик "Барселона" Ламиннинг асосий таркибга киришини тезлаштирди.
