"Интер Майами" клуби ҳужумчиси Луис Суарес фаолияти давомида жароҳатлар туфайли эмас, балки дисквалификация туфайли кўпроқ ўйин ўтказиб юборди, деб хабар беради Уругвайнинг El Observador нашри.
МЛС лигаси форвардни Лига кубоги финал учрашуви тугаганидан кейин "Сиэтл Саундерс" ходимига тупургани учун уч ўйинга дисквалификация қилганидан сўнг, унинг дисквалификация туфайли ўтказиб юборган ўйинларининг умумий сони 70 тага етди. Аввал "Барселона"нинг собиқ футболчиси Лига Кубогининг олтита ўйинидан четлаштирилган эди. Жароҳатлари туфайли Суарес 62 ўйинни ўтказиб юборган.
Уругвайлик футболчи рақибларини тишлагани учун энг узоқ муддатли дисквалификацияни олди. Ҳужумчи ПСВ футболчиси Отман Баккал, "Челси" ҳимоячиси Бранислав Иванович ва Италия терма жамоаси футболчиси Джорджо Кьеллинини тишлаган.
