Родриго "Реал"ни тарк этмоқчи эди, бироқ ёзги трансферлар ойнасида бразилиялик футболчи клубини ўзгартирмади. Агар форвардга кам ўйнаса, у 2026 йилда Мадрид клубини тарк этиши мумкин.
Fichajes нашри хабарига кўра, "Реал"нинг ҳужумкор гуруҳида Родригонинг ўрнини "ПСЖ" ҳужумчиси Брэдли Баркола эгаллаши мумкин. Манбага кўра, "қаймоқранглилар" 23 ёшли франциялик футболчига жиддий қизиқиш билдиришмоқда.
Шу билан бирга, "ПСЖ" Барколани сотмоқчи эмаслиги қайд этилган. Бундан ташқари, Лига 1 гиганти Брэдли билан шартномани узайтиришни муҳокама қилмоқчи. Transfermarkt портали Брэдли Барколани 70 миллион еврога баҳоламоқда.
