"Реал Мадрид" келгуси трансфер ойналарида марказий ҳимояни кучайтириш учун кўп ҳаракат қилиши кутилмоқда.
Transfer News Live нашрининг хабар беришича, Мадрид грандининг асосий мақсади "Ливерпуль" футболчиси Ибраҳим Конате ва "Арсенал" ҳимоячиси Уильям Салиба.
"Реал Мадрид" биринчи бўлиб "Ливерпуль" билан амалдаги шартномаси 2026 йилнинг ўрталарига қадар тузилган Конатени қўлга киритишга ҳаракат қилади. Француз май ойида 27 ёшга тўлади. Март ойида ўзининг 25 ёшини нишонлайдиган Салибага келсак, унинг "Арсенал" билан шартномаси 2027 йилнинг ёзида якунига етади.
Таъкидлаш жоизки, сўнгги йилларда "Реал Мадрид" бир неча бор топ-футболчиларни эркин агент сифатида ўз сафига қўшиб олган.













