"Формула-1"нинг машҳур пойгачиси Макс Ферстаппен Испания терма жамоаси ва Каталониянинг "Барселона" клуби 18 ёшли вингери Ламин Ямалнинг ўйин даражаси ҳақида фикр билдирди.
"Ямалнинг бу ёшда қанчалик ажойиб ўйин кўрсатаётганига ақл бовар қилмайди. Месси ва Роналдудан кейин "Олтин тўп"га аниқ даъвогар йўқ. Бошқалардан анча зўр футболчини айтолмайман. Аммо аминманки, Ламин бу совринни яқин йилларда қўлга киритади," - дея машҳур пойгачининг сўзларини келтиради Mundo Deportivo.
Испания чемпионатининг жорий мавсумида 18 ёшли Ямал "кўк-анорранглилар" сафида учта ўйин ўтказди. Вингер иккита гол урди ва иккита голли узатмани амалга оширди.













