"Бавария"нинг қанот ҳужумчиси Майкл Олисе "Ливерпуль" жамоаси таркибига қўшилиши мумкин.
CaughtOffside хабарига кўра, 23 ёшли Олисе "Ливерпуль" учун устувор трансфер мақсади ҳисобланмоқда. Таъкидланишича, мерсисайдликлар Олисени исталган пайтда Саудия Арабистонига кетиш эҳтимоли бўлган Муҳаммад Салоҳнинг ўрнини босувчи сифатида кўришмоқда.
Жорий мавсумда Олисе барча мусобақаларда тўртта ўйинда иштирок этиб, тўртта гол киритди. Француз футболчисининг "Бавария" билан амалдаги шартномаси 2029 йилгача мўлжалланган. Нуфузли Transfermarkt портали мутахассислари футболчининг қийматини 100 миллион еврога баҳолашмоқда.













