Туркиялик мутахассис Фотиҳ Терим Чехия терма жамоасининг бўлажак бош мураббийи сифатида кўрилмоқда. Бу ҳақда Ligablatt хабар бермоқда.
Нашр маълумотларига кўра, Терим аллақачон Чехия футбол ассоциацияси билан музокаралар олиб бормоқда. Унинг таклиф этилиши ташаббускори терма жамоанинг собиқ футболчиси, ҳозирда спорт директори лавозимида ишлаётган Павел Недвед эди.
72 ёшли Терим, жумладан, тўрт марта "Галатасарой" бош мураббийи бўлган, шунингдек, уч марта Туркия терма жамоасини бошқарган. Унинг сўнгги иш жойи Саудия Арабистонининг "Ал-Шабаб" клуби бўлиб, у билан шартномаси узайтирилмаган.













