"Барселона" хавбеки Марк Берналь "Ан-Наср" эътиборига тушди. Саудия Арабистонида трансфер ойнаси 23 сентябрга қадар очиқ ва Ар-Риёд клуби майдон марказини кучайтириш ниятида. "Ан-Наср" яқин кунларда "кўк-анорранглилар"нинг 18 ёшли юлдузини қўлга киритишга уриниб кўриши мумкин, деб хабар бермоқда Barca Universal Саудия Арабистони ОАВларига таяниб. Битимни амалга ошириш осон бўлмайди, чунки Ҳанс-Дитер Флик ёш ярим ҳимоячига ишонади.
Марк Берналь хочсимон боғламнинг ёрилиши туфайли деярли бир йилни ўтказиб юборди. Transfermarkt портали истиқболли испаниялик футболчининг нархини 5 млн еврога баҳоламоқда.
