"Монако" дарвозабони, 35 ёшли Лукас Градецки тиззасидан олган жароҳати туфайли икки ойга яқин майдонга туша олмайди.
Бу ҳақда жамоа бош мураббийи Ади Хюттер хабар берди. Воқеа Лига 1'нинг 3-турида «Монако»нинг «Страцбург» устидан 3:2 ҳисобида ғалаба қозонганида юз берди.
Градецки 79-дақиқада майдонни тарк этишга мажбур бўлди. Шифокорлар жамоаси икки дақиқадан кўпроқ вақт давомида дарвозабонга ёрдам беришга ҳаракат қилишди, бироқ уни ўйинга қайтара олишмади ва натижада мураббий уни алмаштиришга қарор қилди.
Жорий мавсумда дарвозабон “Монако” сафида Лига 1да учта ўйин ўтказди ва ўз дарвозасидан тўртта гол ўтказиб юборди.
