"Манчестер Сити" бош мураббийи Хосеп Гвардиола жума кунги матбуот анжуманида кадрлар масаласида фикр билдирди.

Якшанба куни "шаҳарликлар" "Манчестер Юнайтед"га қарши дербида иштирок этади.

"Мармуш Миср терма жамоасидан жароҳат олиб келди. Аит-Нури ва Шерки ҳам ўйнамайди. Стоунснинг иштироки шубҳа остида, лекин унинг муаммоси жиддий эмас. Қолганлар сафда.

Мармуш? Текширувларни кутишимиз керак, лекин унинг тикланиши бир неча ҳафта давом этади деб ўйлайман. Терма жамоалар учун навбатдаги танаффусгача у тайёр бўлади," - деди Гвардиола журналистларга.

Айтиш керакки, "Манчестер Сити"нинг жароҳат олган футболчилари рўйхатида Матео Ковачич ва Кэлвин Филлипс ҳам бор.