"Манчестер Сити" устози Хосеп Гвардиола дарвозабон Жанлуижи Доннарумманинг трансфери борасида фикр билдирди.
"Мен ҳар доим футболчилар даражасига мослашишга ҳаракат қиламан. Мен Доннаруммадан унга ёқмайдиган нарсани талаб қилмайман. Эдерсон узатмалар бўйича дунёнинг энг яхши дарвозабони эди. Лекин биз Жиджини у ҳам Эдерсонга ўхшаб иш тутсин деб олганимиз йўқ. Унинг бошқа хислатлари ҳам бор.
Доннарумма жуда баланд, жуда улкан. Барча дарвозабонлар зарбаларни қайтаради, индивидуаллик олиб келади ва муҳим роль ўйнайди. Доннарумма ҳам гол ўтказиб юборади, аммо биз ҳаммамиз унга имкон қадар гол ўтказмасликка ёрдам берамиз", - деди Гвардиола матбуот анжуманида.
