"Manchester Siti" ustozi Xosep Gvardiola darvozabon Janluiji Donnarummaning transferi borasida fikr bildirdi.
"Men har doim futbolchilar darajasiga moslashishga harakat qilaman. Men Donnarummadan unga yoqmaydigan narsani talab qilmayman. Ederson uzatmalar bo‘yicha dunyoning eng yaxshi darvozaboni edi. Lekin biz Jidjini u ham Edersonga o‘xshab ish tutsin deb olganimiz yo‘q. Uning boshqa xislatlari ham bor.
Donnarumma juda baland, juda ulkan. Barcha darvozabonlar zarbalarni qaytaradi, individuallik olib keladi va muhim rol o‘ynaydi. Donnarumma ham gol o‘tkazib yuboradi, ammo biz hammamiz unga imkon qadar gol o‘tkazmaslikka yordam beramiz", - dedi Gvardiola matbuot anjumanida.













