"Реал" бош мураббийи Хаби Алонсо "Реал Сосьедад"га қарши ўйин олдидан матбуот анжуманида ўз фикрларини билдириб ўтди.
Журналистлар Алонсодан Ханс-Дитер Фликнинг сўзларига изоҳ беришни сўрашди.
"Барселона"нинг немис мураббийи аввалроқ эго муваффақиятни ўлдиради, деган эди. Алонсо бу фикрни қўллаб-қувватлашини айтди - жамоавий муваффақият учун ҳамма нарса муҳим.
"Биз инсоний фазилатлар билан муваффақиятга эришмоқчимиз. Ҳамма қайиқда бўлиши ва керак бўлганда эшкак эшишга тайёр бўлиши учун.
Биз қийин босқичларга киряпмиз ва ҳамма бир йўналишда эшкак эшиши керак", - деди Алонсо журналистларга.
