Самуэль Умтити фаолиятини якунлашга тайёр.
Эркин агент мақомидаги ҳимоячи бугун "Лион" базасига ташриф буюрди, дея хабар бермоқда RMC Sport. Бироқ гап эҳтимолий шартнома имзоланишида эмас, балки Франция терма жамоаси собиқ футболчисининг шахсий видео суратга олиш истагида. Қайд этилишича, "Олимпик" собиқ футболчисига ролик ёзишга рухсат берган.
Балки бу Умтитининг хайрлашув видеоси бўлар. Барчаси Самуэль 31 ёшида фаолиятини якунлашини кўрсатмоқда.
Охирги марта "Барселона," "Лион" ва "Лилль"даги ўйинлари билан танилган ҳимоячи 2024 йилнинг январида майдонга тушганди.













