Қозонда давом этаётган бутунжаҳон Универсиада мусобақаларининг белбоғли кураш спорт турида иштирок этаётган Зайлобиддин Ортиқов 80 кг. вазн тоифасида финал йўлланмасини қўлга киритди.
Ортиқов грузиялик Гиорги Датунашвилни, кейинги босқичда литвалик Домас Зимкусни, чорак финалда беларуслик Аляксандр Хруздзеуни ва ярим финалда эса латвиялик Янис Рефисдан устун келди. Энди Зайлобиддин финалда россиялик Ильнар Галиевга қарши кураш гиламига чиқади.
Қизиқ томони, Ортиқов икки кун муқаддам белбоғли курашларининг 75 кг. вазнда гиламга чиққан ва терма жамоамизга бронза медалларини олиб келганди.
Шунингдек яна тўрт нафар белбоғли курашчиларимиз мусобақаларнининг биринчи учрашувида мағлубиятга учрашди. -60 кг. вазн тоифасида курашга чиққан Шуҳратжон Обидов молдовалик Максим Мамулатга, 70 кг.гача вазнда Элбек Сотволдиев туркманистонлик Агамират Оразсахедовга, -90кг. да Нозимжон Иброҳимжонов россиялик Ильнур Муртазинга, -100 кг вазнда эса Нуриддин Маҳаммадов молдовалик Анатолий Молдованга имкониятни бой бериб қўйди.
