"Марсель" ҳимоячиси Бенжамен Павар Лига 1 доирасидаги "Лорьян"га қарши ўйинда (4:0) гол уриб, жамоасига ғалаба қозонишда ёрдам берди.
Миланнинг "Интер" клубидан ижарага олинган француз "провансалликлар" сафидаги дебют учрашувнинг 20-дақиқасида рақиб дарвозасини ишғол этиб, таблода 2:0 ҳисобини қайд этди.
"Велодром"даги биринчи ўйиндан жуда мамнунман. Стадионда оилам бор эди ва гол ура олганимдан хурсандман. Жамоа билан фахрланаман. Ажойиб ўйин ўтказдик, рақибни менсимасликка йўл қўймадик. "Лорьян" 1 киши кам бўлиб қолганига қарамай, биз ўз футболимизни ўйнашда давом этдик, воқеаларни тезлаштирмадик," - дея 29 ёшли футболчининг сўзларини келтиради журналист Альфредо Педулла.
