2026 йилдан Халқаро футбол федерацияси (FIFA) миллий терма жамоалар ўйинлари учун сентябрь ва октябрь танаффусларини бирлаштириб, 16 кун давом этади. Шу билан бирга, ноябрь ойида бўлиб ўтган халқаро танаффус ўзгаришсиз қолади.
Бу ҳақда El Desmarque нашри хабар берди.
Манбага кўра, келаси йилдаги терма жамоалар ўйинлари учун биринчи танаффус 21 сентябрдан 6 октябрга қадар бўлиши керак. Барча терма жамоалар иккита эмас, тўртта ўйин ўтказиши мумкин бўлади.
Ноябрь ойидаги халқаро танаффус 2026 йилнинг 9-17 кунлари бўлиб ўтади. Бу вақт ичида ҳар бир жамоа иккитадан ўйин ўтказади.
Таъкидланишича, бундай умумий танаффус келгуси беш йиллик режаларда тасдиқланган.
