Мадриднинг “Реал” клуби “Бавария” марказий ҳимоячиси Дайо Упамеканога қизиқиш билдирмоқда. Бу ҳақда журналист Кристиан Фальк хабар берди.
Манбага кўра, “қаймоқранглилар” 26 ёшли француз футболчисини келаси ёз эркин агент сифатида ўз сафига қўшиб олишни режалаштирган. Упамеканонинг “Бавария” билан амалдаги шартномаси 2026 йил 30 июнда якунланади.
Упамекано 2021 йилдан буён мюнхенликлар сафида тўп тепади. Жорий мавсумда у барча мусобақаларда 8 та учрашувда майдонга тушиб, бир голли узатма қайд этди.
Transfermarkt маълумотларига кўра, футболчининг бозор қиймати 50 миллион еврони ташкил этади. У Бундеслигада энг қимматбаҳо марказий ҳимоячилардан бири ҳисобланади.













