Мадриднинг «Реал» ва Лондоннинг «Тоттенхэм» клублари собиқ ярим ҳимоячиси Рафаэль ван дер Ваарт «Галатасарай»нинг янги футболчиси Лерой Сане ҳақида танқидий фикр билдирди.
"Саненинг карьераси шундай ривожланаётганидан афсусдаман. Лерой уни барбод қилди", - дея нидерландияликнинг сўзларини келтиради Ran.
29 ёшли немис футболчиси шу йилнинг ёзида «Бавария»дан эркин агент сифатида «Галатасарай»га ўтди. Сане турк клуби билан уч йиллик шартнома имзолади. Transfermarkt маълумотларига кўра, унинг бозор қиймати 32 миллион еврони ташкил қилади.













